09:16 / 24.11.2022
Aksident me fatalitet, vdes këmbësorja në Prizren
E.Hoti/RTKlive
Një aksident me fatalitet ka ndodhur dje në Prizren, ku një këmbësore është goditur për vdekje nga një automjet.
Siç njofton Policia e Kosovës, rasti ka ndodhur në rrugën “Ismail Kryeziu” rreth orës 05:30.
“ Viktima ka pësuar lëndime trupore dhe e njëjta është dërguar në Spitalin Rajonal në Prizren ku nga mjeku kujdestar është konstatuar se e njëjta është pa shenja jete”, thuhet në raportin 24-orësh të PK-së.
Bëhet e ditur se me vendim të prokurorit i dyshuari është dërguar në mbajtje.























