Kampionati Botëror ‘Katar 2022’ vazhdon sot me katër ndeshjet e radhës, ndeshje të cilat do të transmetohen drejtpërdrejt në Radio Televizionin e Kosovës (RTK).

Dita e sotme në ‘Katar 2022’ do të nis me duelin Zvicër-Kameruni, takim ky që luhet në kuadër të Grupit G.

Kjo sfidë pritet më interesim të madh tek futbolldashësit shqiptarë pasi që në radhët e Zvicrës në fushë do të zbresin edhe shqiptarët Granit Xhaka dhe Xherdan Shaqiri, derisa pjesë e skuadrës zvicerane është edhe Ardon Jashari, një tjetër shqiptar. 

Në ndeshjen tjetër të këtij grupi, do të ballafaqohen Brazili dhe Serbia, takim ky që nis në orën 20:00.

Dita e pestë e Botërorit, sjell edhe dy ndeshjet e Grupit H, ku përballen Urugai-Koreja e Jugut (14:00) dhe Portugalia-Gana (17:00).

Sot në RTK:

Grupi G

11:00, Zvicra-Kameruni

20:00, Brazil-Serbia

Grupi H

14:00, Urugai-Koreja e Jugut

17:00, Portugali-Gana