09:17 / 25.11.2022
Tite: Neymar do të vazhdojë të luajë në Botëror
Fatmir Bytyqi /RTKlive
Trajneri i Brazilit, Tite është i sigurt se Neymar do të vazhdojë të luajë në Kupën e Botës `Katar 2022’.
Neymar mbrëmë u lëndua në ndeshjen Brazil-Serbi (2-0), lëndim që jo pak ka shqetësuar gjithë Brazilin.
Megjithatë, Tite beson se lëndimi i Neymarit nuk është aq serioz siç ishte raportuar menjëherë pas ndeshjes.
“Jam i sigurt se Neymar do të vazhdojë të luajë në Kupën e Botës. Ai do luajë përsëri në këtë Botëror”, tha ai.
“Në lidhje me Neymarin duhet t’i referohemi performancës së tij tekniko-taktike, sepse ai fizikisht nuk ishte në gjendjen e tij më të mirë, megjithatë, ai mori pjesë në të dy golat”, theksoi Tite.























