22:39 / 30.11.2022
Villa mendon se Anglia mund ta fitojë Botërorin
Uran Krasniqi/RTKLive
David Villa po mendon se Anglia ka një skuadër, e cila mund ta fitojë titullin e kampionit botëror në Katar.
“Ata kanë lojtarë të mëdhenj, kanë një ekip të fortë”, ka thënë dyzet vjeçari. “Për mua, e kam thënë që në fillim, Anglia është një nga favoritët për të fituar trofeun, sepse skuadra e saj është fantastike".
Duke u ndalur te Spanja, Villa ka lavdëruar futbollistin e ri Gavi. "Është e pabesueshme mënyra se si ai ka luajtur në këtë moshë me kombëtaren dhe me Barcelonën, jo vetëm tash, por vitin e fundit. Në moshën tetëmbëdhjetë vjeçare është shumë e vështirë të bësh gjërat që ai po bën', ka thënë ish-futbollisti që ishte pjesë e Spanjës më 2010 kur kishte fituar Botërorin.























