10:09 / 07.12.2022
Dy të arrestuar në Pejë, u konfiskohet drogë e municion
E.Hoti/RTKlive
Policia e Kosovës ka arrestuar dje në Pejë dy persona, ku u janë konfiskuar drogë dhe municion.
Sipas njoftimit, operacioni taktik është kryer nga Antidroga e Policisë së Kosovës pas hetimeve përmes masave të veçanta.
“Gjatë një kontrolli në trup të dy të dyshuarve meshkuj kosovar si dhe në dy shtëpitë e tyre janë gjetur dhe konfiskuar 29 fishekë, 234.3 gram substancë e dyshuar narkotike e llojit kokainë, 412.6 gram heroinë dhe tre telefona”, thuhet në njoftimin e PK-së.
Të dyshuarit janë arrestuar dhe me vendim të prokurorit janë dërguar në mbajtje.























