11:58 / 12.12.2022
Plagoset me armë zjarri një person në Pejë
E.Hoti/RTKlive
Policia e Kosovës ka njoftuar se një person është plagosur rëndë në Pejë të dielën.
Siç njoftohet në raportin 24-orësh, rasti ka ndodhur në fshatin Baran i Epërm. Aty bëhet e ditur se për shkaqe ende të panjohura, viktima është plagosur me armë zjarri nga një i dyshuar, e më pas kryerësi i veprës ka ikur nga vendi i ngjarjes.
“Në vendin e ngjarjes kanë dalë njësitë policore, viktima është dërguar për tretman mjekësor. Lidhur me rastin është njoftuar prokurori, rasti vazhdon të hetohet si lëndim i rëndë”, thuhet tutje në njoftim.























