09:17 / 19.12.2022
Një i lënduar në aksident trafiku mes dy veturave në hyrje të Prizrenit
E.Hoti/RTKlive
Një aksident i rëndë trafiku ka ndodhur sot rreth orës 07:14 në hyrje të Prizrenit.
Lajmin për RTKlive e ka konfirmuar zëdhënësi i Policisë për rajonin e Prizrenit, Shaqir Bytyqi.
Bytyqi ka bërë të ditur se në aksident janë përfshirë dy vetura, ndërkaq një person ka pësuar lëndime
“Sot rreth orës 7:14 është raportuar për një aksident trafiku në hyrje të Prizrenit. Në aksident janë të përfshira dy automjete. Si pasojë e këtij aksidenti, lëndime ka pësuar një person, i cili është dërguar në emergjencën e Prizrenit”, ka thënë për RTKlive Bytyqi.























