Mullinjtë e vjetër të Dukagjinit |Video
Islam Haxhiu /RTK
Dukagjini, krahas shumë traditave, njihet edhe për mullinj të vjetër. Edhe pse numri i tyre ka rënë dukshëm, prapëseprapë ende ka mullinjë funksionalë të vjetër mbi 300 vjet. Madje, këta mullinjë e bëjnë bluarjen e misrit krejtësisht natyrale.
Edhe pse numri i tyre ka rënë dukshëm, mulliri i Tahir Sadrive në Isniq, i vjetër mbi 300 vjet, ende po qëndron në këmbë.
Dhe kjo falë përkushtimit të pronarit Rrustem Dervishaj i cili po e përcjell me fanatizëm këtë zeje shumë të rëndësishme edhe si trashëgimi e këtij lokaliteti.
Këtu, bluarja e misrit bëhet në mënyrë natyrale.
“Bluarja bëhet mënyrë natyrale si para 300 vitesh”, thotë Rrustem Dervishaj, mullis.
Edhe Mulliri i Hajrizajve në Strellc të Epërm të Deçanit është shumë i vjetër.
Pozita e volitshme dhe sasia e mjaftueshme e ujit, bëjnë që prodhimi të jetë natyral dhe shumë cilësor.
Dikur, mullinjtë kanë ekzistuar pothuajse në çdo fshat e lokalitet, sidomos në ato vende më të pasura me ujë. Për fat të keq, shumica prej tyre janë djegur dhe shkatërruar gjatë luftës së fundit në Kosovë, ndërsa një numër shumë i vogël i tyre i ka mbijetuar kohës.























