11:39 / 27.01.2023
E shiti banesën dy herë, arrestohet i dyshuari për mashtrim
E. Hoti/ RTKlive
Policia e Kosovës ka bërë të ditur se ka arrestuar një person për mashtrim në Prishtinë.
Sipas njoftimit, i dyshuari pasi e kishte shitur banesën viktimës mashkull kosovar, më pas të njëjtën banesë i kishte shitur një personi tjetër.
Bëhet e ditur se rasti ka ndodhur në gusht të 2022.
“Është arrestuar i dyshuari mashkull kosovar, pasi që ia kishte shitur banesën viktimës mashkull kosovar, më pas të njëjtën banesë i kishte shitur një personi tjetër, mashkull kosovar”, thuhet në raportin 24-orësh të PK-së.
Me vendim të prokurorit, i dyshuari është dërguar në mbajtje.























