Policia e Kosovës ka bërë të ditur se  ka arrestuar një person në fshatin Leskoc të Klinës, i dyshuar për tentim-vrasje.

Më datë 30 janar 2023 rreth orës 18:25, Policia është informuar se nё fshatin Leskoc- Klinё, ka ndodhur njё incident me armё zjarri.

Sipas njoftimit të Policisë i dyshuari i kishte shkuar tek shtëpia e viktimës dhe ia kishte kërkuar një borxh prej 1.000 euro, pas blerjes së një automjeti nga i dyshuari. Viktima ka deklaruar se nuk ka para për t’ia paguar borxhin.

“Pas këtij deklarimi, i dyshuari e kishte kanos viktimën me fjalët: Nga 1 shkurti mbyllu në shtëpi se do të  vras ty ose djalin, nё atë moment i dyshuari e ka gjuajtur me armë nё drejtim tё viktimës nga largësia prej 40-50 metra”, thuhet në njoftim.

Nё vendngjarje janë gjetur dhe konfiskuar njё armë automatike AK47, trembёdhjetё gёzhoja  të kalibrit .7.62mm,  pesё fishekë 6.35mm.

I dyshuari ёshtё arrestuar dhe pas intervistimit, me urdhёr tё Prokurorit tё shtetit ёshtё dёrguar nё mbajtje pёr 48- orё.