Arrestohet i dyshuari për organizim të skemave piramidale dhe bixhozit
Foto: Policia e Kosovës
Kronika

Arrestohet i dyshuari për organizim të skemave piramidale dhe bixhozit

E. Hoti/ RTKlive

Policia e  Gjakovës në bashkëpunim me Stacionin Policor në Rahovec  të merkuren kanë kryer kontroll në tri lokacione mbi dyshimin për organizim të skemave piramidale dhe bixhozit të paligjshëm.

Në njërin nga këto lokacione, në fshatin Krushë e Madhe të Rahoveci është arrestuar i dyshuari B. B., i lindur në vitin 1985, shtetas i Republikës së Kosovës si dhe në cilësinë e provave materiale janë  sekuestruar dy telefona mobil dhe një shumë parash të cilat dyshohet se janë përdorur për kryerjen e veprës penale.

Pas intervistimit dhe përfundimit të procedurave tjera policore, me vendim të Prokurorit të Shtetit i dyshuari është ndalur në mbajtje për 48 orë.

Ndaj tij është iniciuar rast penal për hetim “Organizim i skemave piramidale dhe bixhozit të paligjshëm”.


MË SHUME NGA Kronika