09:09 / 20.02.2023
Shtie me armë zjarri në ajër, arrestohet i dyshuari në Prishtinë
E. Hoti/ RTKlive
Policia e Kosovës ka arrestuar një person në Prishtinë nën dyshimin se ka ndalur një burrë tjetër i cili ishte duke drejtuar veturën dhe më pas ka shtënë me pistoletë në ajër.
Ngjarja ka ndodhur në rrugën “Riçard Hollbruk”, ndërsa motivet janë të panjohura.
“Njësitet policore nga i dyshuari kanë konfiskuar pistoletën me karikator dhe dy fishekë”, thuhet në raportin 24-orësh të PK-së.
Me vendim të prokurorit, i dyshuari pas intervistimit është dërguar në mbajtje.























