Dy raste të vetëvrasjes në Prishtinë e Fushë Kosovë
E. Hoti/ RTKlive
Policia e Kosovës ka njoftuar për dy raste të vetëvrasjeve brenda 24 orëve të fundit, njëra në Prishtinë e tjetra në Fushë Kosovë.
Rasti në Prishtinë ka ndodhur të enjten në ora 11:29. ndërkaq në Fushë Kosovë ka ndodhur po të enjten në orët e mbrëmjes, 22:45.
“Është raportuar se viktima mashkull kosovar në rrethana ende të panjohura është vetëvrarë. Në vendin e ngjarjes kanë dalë të gjitha njësitë përkatëse si dhe mjekësia ligjore të cilët kanë marrë trupin e pa jetë për Obduksion”, thuhet në raportin 24-orësh të PK-së.
Rasti është duke u hetuar.
Ndërkaq edhe në Fushë Kosovë një person dyshohet se ka rënë mbrëmë nga një objekt banesor rreth orës 23:00.
Ngjarja e ndodhur në Fushë Kosovë po cilësohet si vetëvrasje ndërsa viktima sipas policisë është e gjinisë femrore.
Trupi i pajetë i viktimës tashmë është dërguar për obduksion në Institutin e Mjekësisë Ligjore.
Policia në raportin ditor ka njoftuar se me të marrë informacionin, njësitet relevante kanë dalë në vendin e ngjarjes.
Aty ishte edhe ambulanca ndërsa vdekjen e viktimës e ka konstatuar mjeku kujdestar.























