Pas publikimit të fotografisë së personit në kërkim, falë bashkëpunimit me qytetarë dhe media, arrestohet personi i kërkuar për veprën penale “Dhunim’, njofton policia e Kosovës.

Drejtoria Rajonale e Policisë në Gjakovë, me datën 01.12.2022 kishte lëshuar kërkesë për bashkëpunim me qytetarë për arrestimin e personit Florian (Ruzhdi) Fila i lindur me 16.01.2000, banues në rrugën “Skënderbeu” në Gjakovë i cili kërkohej për veprën penale “Dhunim”.

Sipas njoftimit sektori Rajonal për Hetime, falë bashkëpunimit me qytetarë dhe media, pas publikimit të fotografisë së personit të kërkuar, ka arritur që të siguroj informacion lidhur me vendndodhjen e të kërkuarit dhe ka bërë arrestimin e tij.

 Me vendim të Prokurorit të Shtetit i dyshuari është ndalur në mbajtje për 48 orë.

Me këtë rast, Drejtoria Rajonale e Policisë në Gjakovë, falënderon të gjithë qytetarët dhe mediat për bashkëpunimin e treguar me Policinë e Kosovës, bashkëpunim ky i cili po ndikon në ruajtjen e rendit dhe sigurisë publike.