Sekuestrohen 20 pajisje të kriptovalutave në veri
E. Hoti/ RTKlive
Policia e Kosovës ka sekuestruar edhe 20 pajisje të paligjshme për mihje të kriptovalutave në veri të Kosovës.
Lajmin e ka bërë të ditur ministrja e Ekonomisë, Artane Rizvanolli përmes një postimi në Twitter.
Ajo ka thënë se këto dhe zhvillime në këtë pjesë të vendit nuk kanë të bëjnë me marrëdhëniet ndëretnike.
“Një tjetër aktivitet i paligjshëm i kripto-minierave u ndalua sot nga Policia e Kosovës. Sekuestrohen 20 pajisje. Këto dhe zhvillime të ngjashme në komunat veriore nuk kanë të bëjnë fare me marrëdhëniet ndëretnike në Kosovë siç duan të paraqesin disa. Është një çështje e sundimit të ligjit kundër aktiviteteve të paligjshme”, ka njoftuar Rizvanolli në Twitter.
Gjatë ditës së djeshme po ashtu janë sekuestruar 174 pajisje të paligjshme për prodhimin e kriptovalutave në Zubin Potok.
























