Blenë gjëra ushqimore në vlerë 740 €, paguan me monedha të falsifikuara
BKT
Foto: Policia e Kosovës
Kronika

Blenë gjëra ushqimore në vlerë 740 €, paguan me monedha të falsifikuara

M.Shefkiu/RTKlive

Një qytetarë në Ferizaj i moshës 41 vjeç, ka bërë pazar në vlerë 740 euro, duke blerë gjëra ushqimore dhe në fund të gjitha i ka paguar me monedha nga 2 euro. Kjo i ka vënë në dyshim policinë, e cila ka vërtetuar se paratë janë të falsifikuara.

“Policia Rajonale e Ferizajt ka pranuar një informacion se në rrugën magjistrale Ferizaj-Prishtinë tek një qendër tregtare në Ferizaj, një person i dyshuar aty kishte blerë produkte ushqimore në vlerë rreth740 euro, të gjitha monedha nga dy (2) euro të dyshuara si të falsifikuara dhe ishte larguar.  Policët e rendit, e më pas edhe policët hetues menjëherë i janë përgjigjur kësaj informate dhe nën autorizim të prokurorit kujdestar nga Prokuroria Themelore në Ferizaj i kanë nisur hetimet”, thuhet në njoftimin e policisë.

Pas një pune intensive hetimore, grumbullimit të informacioneve në terren, shikimit të kamerave të sigurisë, policia ka identifikuar dhe ka shoqëruar në stacionin e policisë në Ferizaj personin e dyshuar H.R i moshës 41 vjeçar.

“Pas intervistimit të tij nga policët hetues, me vendim të prokurorit të rastit i njëjti është liruar në procedurë të rregullt hetimore , kurse monedhat në vlerë 740 euro, të gjitha monedha nga dy (2) euro janë konfiskuar, për procedura të mëtejme hetimore. Rasti është cilësuar si  ‘Falsifikim i parasë”, njofton policia.

 


MË SHUME NGA Kronika