Policia e Kosovës është duke marr veprime të shtuara policore në sensibilizimin e shoferëve për rreziqet e përdorimit të telefonit gjatë vozitjes.

Përmes një njoftimi nga Policia e Kosovës, thuhet se në vazhdën e angazhimeve policore në ngritjen e  masave të sigurisë në  trafikun rrugor dhe  me qëllim të vetëdijesimit të shoferëve  për rreziqet e përdorimit të telefonit gjatë vozitjes, gjatë kësaj jave në kuadër të Drejtorisë Rajonale e Policisë në Mitrovicën e Jugut, po zhvillohet fushatë me aktivitete  dhe masa shtesë, veçanërisht  për pjesëmarrësit në trafik të cilët drejtojnë automjetet duke përdorur telefoni.

“Përveç kontrolleve e masave ndëshkimore në parandalimin e aksidenteve ne trafik, policia për shoferët  në trafikun rrugor po shpërndanë fletushka me përmbajtje sensibilizues për pasojat dhe rreziqet e përdorimit të telefonit gjatë vozitjes, ku përmes kësaj fushate synohet të vetëdijesohen pjesëmarrësit në trafik në veçanti shoferët e automjeteve”, thuhet në njoftimin e policisë.

Policia e Kosovës, apelon tek të gjithë pjesëmarrësit në trafikun rrugor që të kenë kujdes dhe t`iu përmbahen rregullave të përcaktuara me Ligjin për sigurinë në trafik.