11:34 / 02.06.2023
Nuk respektoi urdhrin mbrojtës ndaj gruas e fëmijës, arrestohet i dyshuari
E. Hoti/ RTKlive
Policia e Kosovës ka njoftuar se ka arrestuar një burrë nën dyshimin se ka shkaktuar dhunë psikike ndaj gruas dhe fëmijëve.
I dyshuari ka pasur urdhër mbrojtje ndaj gruas dhe fëmijës.
Rasti ka ndodhur në Lipjan, më 1 qershor 2023.
“Viktima femër kosovare ka raportuar se i dyshuari mashkull kosovar duke mos respektuar urdhrin mbrojtës të lëshuar nga gjykata, ka shkaktuar dhunë psikike ndaj saj dhe fëmijëve”, thuhet në raportin policor.
I dyshuari është arrestuar dhe me vendim të prokurorit, pas intervistimit është dërguar në mbajtje.























