Policia e Kosovës njofton se një vrasje në tentativë ka ndodhur dje në komunën e Ferizajt.

Në njoftim thuhet se një burrë ka raportuar se pas një mosmarrëveshjeje, një person (mashkull kosovar) e ka sulmuar fizikisht dhe ka shtënë me armë zjarri në drejtim të tij.

Po ashtu njoftohet se viktima ka pësuar disa gërvishtje, për të cilat ka pranuar tretman mjekësor.

“Në vendin e ngjarjes, njësiti policor ka gjetur dhe konfiskuar një fishek dhe një gëzhojë.”, ka njoftuar policia përmes raportit 24 orësh.

Rasti është nën hetime.