10:32 / 20.06.2023
Iniciohet rast për hedhjen me molotov në drejtim të veturës zyrtare
E. Hoti/ RTKlive
Policia e Kosovës ka bërë të ditur se ka iniciuar një rast të rrezikut të përgjithshëm në Leposaviq.
Sipas Policisë para pesë ditësh rreth orës 18:00 persona të dyshuar kishin hedhur koktej molotovi në drejtim të veturës zyrtare të Policisë.
“Është iniciuar rasti i lartcekur pasi që me datë 15.06.2023 të dyshuar të panjohur kanë hedhur koktej molotovi në drejtim të veturës zyrtare të policisë”, thuhet në raportin 24-orësh.
PK ka njoftuar se për këtë rast është konsultuar edhe prokurori kujdestar.
Gjithashtu u tha se rasti është në procedurë hetimore.























