Vritet një person në Malishevë, arrestohen 4 të dyshuar
BKT
Kronika

Vritet një person në Malishevë, arrestohen 4 të dyshuar

SH.Ç/RTKlive

Policia e Kosovës ka njoftuar se një person pa shenja jete është dërguar në QKMF-në e Malishevës gjatë mesditës të së enjtes. Ai dyshohet të jetë qëlluar me armë zjarri. Policia ka bërë të ditur se personeli mjekësor e ka konstatuar vdekjen e viktimës.

Zëdhënësi i Policisë për Rajonin e Gjakovës, Sheremet Elezaj, ka bërë të ditur për RTKlive, se  rreth orës 13:30, policia ka pranuar informatë se një person mashkull i moshës madhore është dërguar në QKMF Malishevë, i cili dyshohet të jetë qëlluar me armë zjarri.

"Sot rreth orës 13:30 kemi pranuar informatë se një person mashkull i moshës madhore  është dërguar në QKMF Malishevë pa shenja jete, e i cili dyshohet të jetë qëlluar me armë zjarri në fshatin Balincë. Personeli mjekësor ka konstatuar vdekjen e tij.  Njësitet e nevojshme policore ju kanë përgjigjur rastit si dhe është njoftuar prokurori i shtetit i cili ka dalë në vendin e ngjarjes, në konsultim me të cilin janë duke u ndërmarrë të gjitha veprimet e nevojshme hetimore. Deri më tani janë arrestuar katër persona të cilët dyshohen të jenë të përfshirë në rast, si dhe është konfiskuar një armë”, ka theksuar Elezaj.


MË SHUME NGA Kronika