Sveçla: Policia jonë ka shënuar suksese të shumta
A.B/RTKlive
Sot bëhen 24 vjet nga themelimi i Policisë së Kosovës.
Ministri i Punëve të Brendshme të Kosovës, Xhelal Sveçla, tha se Policia jonë mes sfidash të ndryshme, por me profesionalizëm e përkushtim ka shënuar suksese të shumta.
“Me 6 shtator 1999, pak muaj pas përfundimit të luftës në Kosovë, filloi gjenerata e parë e kadetëve të Policisë së Kosovës. 24 vite më vonë, me 58 gjenerata deri më tash, Policia jonë mes sfidash të ndryshme por me profesionalizëm e përkushtim ka shënuar suksese të shumta. jam mirënjohës e falënderues secilit e secilës, që në uniformën e Policisë sonë ju ka shërbyer qytetarëve tanë e Republikës sonë në çdo cep të saj. Urime të gjithëve 24 vjetori i themelimit të Policisë së Kosovës!”, ka shkruar ai në ‘Facebook’.























