09:03 / 06.11.2023
Shoferi i dehur gjobitet me 200 euro dhe i merret leja për 6 muaj
V.Th. RTKlive
Policia në Ferizaj njofton se ka dënuar me gjobë prej 200 eurosh, 6 muaj masë mbrojtëse, heqje e patentë shoferit një 48 vjeçar i cili po e drejtonte veturën nën ndikimin e alkoolit.
Sipas njoftimit shoferi u ndal nga policia në rrugën ‘’Vëllezërit Gërvalla’’ në Ferizaj.
Policia në këtë qytet apelon tek shoferët e automjeteve që mos t’i drejtojnë automjetet e tyre nën ndikimin e alkoolit.
“Veprimet e tilla rrezikojnë direkt jetën e tyre dhe të pjesëmarrësve tjerë në komunikacion dhe fton qytetarët të bashkëpunojnë me policinë”, thuhet në njoftim.























