12:59 / 26.11.2023
Arrestohet edhe i dyshuari i tretë për grabitjen në Suharekë
E. Hoti / RTKlive
Është arrestuar edhe personi i tretë, i cili dyshohet për pjesëmarrje në grabitjen e argjendarisë në Suharekë.
Lajmin e ka konfirmuar, prokurorja e rastit, Ervehe Gashi.
“Po është arrestuar edhe personi i tretë”, ka thënë Gashi.
Ndërkaq lidhur me këtë rast, të premten Policia e Kosovës ka ndaluar dy persona si të dyshuar se kanë ndihmuar të armatosurit të kryejnë grabitjen.
Ndryshe, të mërkurën në Suharekë ka ndodhur një grabitje e rëndë nga persona të maskuar e të armatosur, duke plaçkitur arin dhe duke shtënë me armë të gjata ndaj forcave të rendit.























