09:57 / 18.03.2024
Polici përdor armën zyrtare për t’i shpëtuar sulmit nga qentë endacakë
E. Hoti / RTKlive
Një zyrtar policor në Vushtrri ka përdorur armën zyrtare për t’i shpëtuar sulmit nga qentë endacakë. Policia ka bërë të ditur të hënën në raportin 24 orësh se pas sulmit nga tufa e qenve, polici kishte shkrepur një plumb.
Nga shkrepja e armës thuhet se nuk është rrezikuar askush , teksa në vendin e ngjarjes është gjetur një gëzhojë.
Tutje u bë e ditur se lidhur me rastin është njoftuar prokurori kujdestar si dhe Inspektorati Policor i Kosovës (IPK).























