Gjendet e vdekur një grua në Obiliq
BKT
Kronika

Gjendet e vdekur një grua në Obiliq

Gentiana Kelmendi|RTKlive

Një grua është gjetur e vdekur sonte në fshatin Dardhishtë të Obiliqit.

Lajmin për RTKlive e ka konfirmuar zëdhënësja e Policisë së Kosovës për rajonin e Prishtinës, Flora Ahmeti. Ajo ka theksuar se për rastin janë informuar në orën 18:00.

Ahmeti ka thënë se Policia dhe ekipi mjekësor menjëherë kanë dalë në vendin e ngjarjes, dhe nga ekipi mjekësor është konstatuar vdekja e gruas.

“Rreth orës 18:00, kemi pranuar informatën për një person pa shenja jete në fshatin Dardhishtë në Obiliq. Policia dhe ekipi mjekësor menjëherë kanë dalë në vendin e ngjarjes, ku nga ekipi mjekësor është konstatuar vdekja e personit (femër).

Aktualisht policia me kujdes të shtuar ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”, ka deklaruar Ahmeti.

Trupi i pajetë i viktimës është dërguar për obduksion.


MË SHUME NGA Kronika