10:57 / 08.05.2024
Një zyrtar policor sulmohet nga një motoçiklist gjatë kontrollit rutinor
Adea Mustafaj / RTKlive
Një zyrtar policor ka pësuar lëndime të lehta trupore, gjatë një kontrolli rutinor të një motoçiklisti.
Rasti raportohet se ka ndodhur pasditen e djeshme në kryeqytet.
“I dyshuari mashkull kosovar, derisa ishte duke drejtuar motoçikletën është ndaluar nga policia ku gjatë kontrollit i është gjetur dhe konfiskuar një thikë. I njëjti duke mos i respektuar urdhrat e ka sulmuar fizikisht njërin nga zyrtarët policor, të cilit i ka shkaktuar lëndime trupore dhe ka pranuar tretman mjekësor”, thuhet në raportin 24 orësh të policisë.
Tutje, në njoftim bëhet e ditur se i dyshuari me vendim të prokurorit, është liruar në procedurë të rregullt.























