09:48 / 15.07.2024
Një 3-vjeçar ndërron jetë në Spitalin e Gjakovës, i bien dyert e oborrit
SH.Ç/RTKlive
Një djalë 3-vjeçar ka ndërruar jetë në Spitalin e Gjakovës pas plagëve të marra, pasi dyert e oborrit kanë rënë mbi të.
Policia ka bërë të ditur se dera e hekurt ishte e mbështetur për muri, është rrëzuar dhe e ka goditur fëmijën.
“Në emergjencën e Spitalit Rajonal Gjakovë nga prindi është sjellë një fëmijë, viktimë mashkull kosovar i moshës tre vjeçar me lëndime të rënda trupore, ku mjeku kujdestar ka konfirmuar vdekjen e viktimës. Dyshohet se aksidentalisht një derë e hekurt e mbështetur nga muri është rrëzuar dhe ka goditur viktimën. Me vendim të prokurorit trupi i pajetë është dërguar në IML për obduksion”, ka bërë të ditur policia.























