Një aksident me fatalitet ka ndodhur në Shtupeq të Madh të Rugovës.

Zëdhënësi i policisë për rajonin e Pejës, Fadil Gashi, ka bërë të ditur për RTKlive se si pasojë e aksidentit me motoçikletë një person ka humbur jetën dhe një tjetër është lënduar.

‘’Një aksident me motoçikletë ka ndodhë rreth orës 16:40, në Shtupeq të Rugovë, në të kanë qenë dy persona, ku njëri prej tyre ka ndërruar jetë dhe tjetri ka marrë lëndime trupore. Vdekjen e tij e ka konstatuar mjeku kujdestar”.

Gashi tha se në vendngjarje kanë dalë njësitet kompetente dhe prokurori i shtetit, ndërsa i lënduari është duke u trajtuar në Spitalin e Pejës.