10:53 / 21.11.2024
Arrestohet një person në Ferizaj, dyshohet për sulm ndaj zyrtarit policor
E. Hoti / RTKlive
Policia e Kosovës ka bërë të ditur se ka arrestuar një person për sulm ndaj një zyrtari policor.
Rasti ka ndodhur më 20.11.2024 në ora 04:45, në rrugën “Vëllezërit Gërvalla” në Ferizaj.
Siç bëhet e ditur në raportin 24-orësh, i dyshuari nën ndikimin e alkoolit ka fyer dhe sulmuar zyrtarin policor.
Viktima pas lëndimeve ka pranuar tretman mjekësor, ndërsa i dyshuari me vendim të prokurorit është liruar në procedurë të rregullt.
Rasti është iniciuar si “Sulm ndaj personit zyrtar”.























