20:54 / 27.12.2024
Goditet një këmbësor në Prishtinë, merr tretman mjekësor
E. Hoti / RTKlive
Një person është lënduar pasi është goditur nga një veturë në rrugën “Ilaz Kodra” në Prishtinë.
Lajmin për RTKlive e ka konfirmuar zëdhënësja e policisë për rajonin e Prishtinës, Flora Ahmeti.
Ajo ka thënë se aksidenti në fjalë ka ndodhur rreth orës 19:00.
“Si pasojë e aksidentit është lënduar këmbësori që aktualisht është duke marrë tretman mjekësor. Me rastin po merret njësiti i trafikut”, ka thënë tutje Ahmeti.























