15:56 / 09.07.2025
Lëndohet nga therrja me thikë një person në Prishtinë
M.P. / RTKlive
Një person është lënduar me një mjet të prehtë në Ulpianë të Prishtinës.
Zëdhënësja e Policisë, Flora Ahmeti, e ka konfirmuar rastin për RTKlive.
“Sot rreth orës 09:00, kemi marrë informatën për një lëndim trupor të ndodhur në lagjen ‘Ulpiana’ në Prishtinë. Bazuar në të dhënat fillestare, në këtë rast nga një mjet i mprehtë dyshohet të jetë lënduar një person, i cili është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti i cili është cilësuar si ‘lëndim i rëndë trupor’”, ka thënë Ahmeti.























