Policia ndjek një veturë, shoferi posedonte drogë dhe armë
BKT
Kronika

Policia ndjek një veturë, shoferi posedonte drogë dhe armë

RTKlive

Një patrullë policore në Shtime ka sekuestruar një armë zjarri dhe substancë narkotike pas një ndjekjeje që ndodhi në orët e hershme të mëngjesit të sotëm.

Rreth orës 01:20, në rrugën “Komandant Kumanova”, policia tentoi të ndalojë një veturë të tipit Golf, ngjyrë e zezë, me targa vendore. Shoferi nuk iu bind sinjalizimit dhe u largua me shpejtësi, duke detyruar policinë ta ndiqte deri në fshatin Mullopoc.

Në një zonë malore, tre persona që dyshohej se ndodheshin në veturë e braktisën atë dhe u larguan në drejtim të panjohur.

Gjatë kontrollit, në automjet u gjet dhe u sekuestrua një pistoletë me 5 fishekë si dhe një sasi e vogël marihuane. Hetuesit e stacionit policor kanë konfiskuar automjetin, armën dhe substancën narkotike.

Policia ka nisur hetimet dhe është në kërkim të tre personave të dyshuar.


MË SHUME NGA Kronika