11:57 / 17.10.2025
Aksident në autostradën “Ibrahim Rugova”, lëndohet një person
Nora Gjuzi|RTK
Sot në mëngjes në autostradën “Ibrahim Rugova” ka ndodhur një aksident trafiku ku janë përfshirë dy kamionë me targa vendore. Si pasojë e përplasjes, një person ka mbetur i lënduar dhe është dërguar menjëherë në spital për trajtim mjekësor.
Ekipet e Policisë së Kosovës dhe të emergjencës kanë reaguar shpejt, duke dalë në vendngjarje për të ndihmuar të lënduarin dhe për të menaxhuar qarkullimin në autostradë, i cili u ndikua përkohësisht nga aksidenti.
Autoritetet po vazhdojnë hetimet për të përcaktuar shkaqet e sakta që çuan në këtë ngjarje.























