17:38 / 28.02.2026
Aksident mes dy veturave në Ranillug, pesë të lënduar
M.Pasoma / RTKlive
Pesë persona janë lënduar si pasojë e një aksidenti mes dy veturave sot në rrugën magjistrale Gjilan-Kamenicë.
Zëdhënësi i Policisë për rajonin e Gjilanit, Ismet Hashani, ka konfirmuar se aksidenti më saktësisht ndodhi afër fshatit Ranillug.
“Sipas hetimeve të para, pesë persona janë lënduar lehtë, si pasojë e aksidentit. Njësitet e trafikut rajonal të Policisë së Kosovës kanë dalë në vend ngjarjes dhe po i hetojnë rrethanat e aksidentit”, tha ai.























