22:42 / 06.03.2026
Aksident trafiku në Komoran, lëndohet një person
Afet Bela/RTKLive
Një person ka pësuar lëndime si pasojë e një aksidenti në të cilin janë përfshirë dy automjete në rrugën nacionale Pejë-Prishtinë.
Lajmin e ka konfirmuar për RTKLive, Bajram Krasniqi, zëdhënës i Policisë së Kosovës.
Sipas Krasniqit, rasti ka ndodhur rreth orës 20:10 dhe Njësia e trafikut ka dalë në vendngjarje në fshatin Komoran.
"Në ora 20:10, policia është njoftuar për një aksident trafiku. Njësia e trafikut ka dalë në vendngjarje në fshatin Komoran, në rrugën nacionale Pejë-Prishtinë, ku dy automjete janë përfshirë në aksident, si pasojë e aksidentit një person ka pësuar lëndime", tha ai.























