08:39 / 14.05.2026
Një e mitur raportohet e zhdukur në Fushë Kosovë
M.Sh/RTKLive
Një vajzë e mitur është raportuar e zhdukur në Fushë Kosovë, njofton Policia e Kosovës në raportin ditor.
Sipas policisë, rasti është iniciuar nga prindi i vajzës, i cili ka raportuar se vajza e mitur është larguar nga shtëpia dhe familjarët nuk kanë njohuri për vendndodhjen e saj.
“Rr. Bedri Pejani, Fushë Kosovë. Me 13.05.2026 një mashkull kosovar, ka raportuar se vajza e tij e mitur është larguar nga shtëpia dhe nuk kanë njohuri për vend ndodhjen e saj”, njofton policia.
Rasti është duke u trajtuar nga organet kompetente dhe mbetet në procedurë hetimore.























