09:06 / 10.08.2026
Arrestohet një 43-vjeçar i dënuar me 4 vite burgim
Sh.Ç/RTKlive
Policia e Kosovës ka arrestuar një person të dënuar me katër vite burgim, i cili ishte në kërkim dhe kishte urdhërarrest aktiv.
Sipas Policisë, arrestimi i të dyshuarit N.L., 43 vjeç, është realizuar nga Njësia e Arrestimeve e Stacionit Policor Veriu në Prishtinë, në bashkëpunim me Njësinë e Reagimit të Shpejtë të Kryeqytetit.
N.L. ishte i dënuar me katër vite burgim për veprat penale “Shmangia nga tatimi” dhe “Falsifikimi i dokumentit”.
Pas arrestimit, njësitet relevante policore kanë vazhduar me procedurat e nevojshme lidhur me personin e arrestuar.























