15:07 / 17.04.2019
Qëllonin me armë zjarri në ajër, pranga dy të rinjve në Durrës
Dy të rinj kanë rënë në prangat e policisë së Durrësit për të shtëna me armë zjarri.
Të arrestuarit janë shtetasit L.B. 21 vjeç, K.P.19 vjeç, ndërkohë u procedua penalisht edhe i mituri A.K. 17 vjeç.
Arrestimi i tyre u bë pas informacioneve se ishin duke qëlluar me armë zjarri në ajër në ‘Portoromano’, transmeton oranews.
Në cilësinë e provës materiale u sekuestrua arma e zjarrit automatik.
Materialet i kaluan Prokurorisë pranë Gjykatës së Shkallës Parë Durrës për veprën penale "Prodhim dhe mbajtja pa leje e armëve luftarake dhe municionit".























