16:33 / 15.05.2019
Greqi, i riu shqiptar kapet me 50 kg drogë
Një 32-vjeçar shqiptar është arrestuar në Greqi, pasi u kap me një sasi prej 50 kg hashash.
Mediat greke thonë se shqiptari, i paidentifikuar u kap në zonën Kilkis pranë Selanikut. Lënda narkotike u gjet gjatë kontrollit që shqiptarit iu bë në makinë.
Policia sekuestroi drogën dhe makinën me të cilën po transportohej. Ndërsa i riu shqiptar iu dorëzua autoriteteve të drejtësisë greke.
























