12:20 / 21.06.2019
Humb jetën aksidentalisht në punë 60-vjeçari
Një tjetër ngjarje e rëndë regjistrohet në fshatin Kosinë të Përmetit. Një 60-vjeçar ka gjetur vdekjen në punë.
Ngjarja e rëndë ka ndodhur në nyjën e inerteve ku shtetasi me inicialet S.P., ka humbur jetën aksidentalisht.
Sipas policisë, bëhet me dije se 60-vjeçari ishte punonjës në një aktivitet privat.
Njoftimi i policisë:
Rreth orës 11:00, në nyjen e inerteve pranë fashatit Kosinë Përmet, ka humbur jetën aksidentalisht shtetasi S.P., rreth 60 vjeç, banues në Përmet, i cili ishte punonjës në këtë aktivitet privat.
Në vëndngjarje ndodhet grupi hetimor dhe po punon për zbardhjen e plotë të ngjarjes.























