Bathore, parandalohet krimi në familje
Një 60 vjeçar është arrestuar në Bathore pasi dyshohet se do të kryente një krim në familje.
Policia informon se arritën të parandalonin ngjarjen e rëndë brenda familjes.
"Pas marrjes së informacionit se në Bathore, Kamëz po ndodhte një konflikt i ashpër midis dy bashkëshortëve, organizuan menjëherë punën dhe me veprimet e shpejta dhe profesionale bënë të mundur parandalimin e mëtejshëm të këtij konflikti duke arrestuar në flagrancë shtetasin: R. S., 60 vjeç, banues në Bathore, Kamëz" informon policia e Tiranës.
Policia bllokoi dhe armën e zjarrit, automatik me dy karikatore me fishekë, me të cilën, "ky shtetas dyshohet se do kryente krim në familje, si dhe 96 fishekë. "
Materialet procedurale iu referuan Prokurorisë së Rrethit Gjyqësor Tiranë, për veprat penale “Mbajtja pa leje dhe prodhimi i armëve, armëve shpërthyese dhe i municionit”, dhe “Dhuna në familje” në ngarkim të shtetasit R. S./oranews/
























