11:10 / 27.09.2019
Dy raste të vjedhjeve në veri të Mitrovicës
Dy raste vjedhjesh janë raportuar gjatë ditës së djeshme në veri të Mitrovicës, njofton Policia e Kosovës.
Rasti i parë ka ndodhur në Leposaviq, ku një ankues i komunitetit serb ka raportuar se persona të panjohur i kanë thyer xhamin e veturës dhe nga aty ia kanë vjedhur një çantë dore me dokumente personale të veturës dhe një shumë parash.
Ndërsa rasti i dytë ka ndodhur në Zveçan një person i komunitetit serb raporton se nga persona të panjohur është thyer dera e një objekti dhe nga aty janë vjedhur para të gatshme.























