12:43 / 06.04.2020
Tiranë, digjen gjatë natës tre makina në parkim
Tre automjete janë përfshirë nga zjarri gjatë natës në Tiranë.
Ngjarja ka ndodhur rreth orës 02:10 në rrugën “Ndre Mjeda”, tek ish “Parku”.
Policia thotë se në momentin e ngjarjes, 3 makinat në pronësi të shtetasve SH.K., R.K., dhe A.M kanë qenë në parkim.
Nga Shërbimet e zjarrëfikses u bë e mundur fikja e zjarrit, ku si pasojë ka vetëm dëme materiale.
Grupi hetimor dhe Shërbimet e Policisë vijojnë punën për zbardhjen e rrethanave të ngjarjes dhe përcaktimin e shkakut të zjarrit./oranews/























