Po përgatiste 50 mijë euro fals për t’i lëshuar në treg, e kap policia

Po përgatiste 50 mijë euro fals për t’i lëshuar në treg, e kap policia

Policia e Kosovës ka arrestuar një person të dyshuar për veprën penale “Falsifikim i parasë”. I dyshuari kishte qenë duke u përgatitur t’i lëshojë në treg 50 mijë euro të falsifikuara

Në njoftimin e policisë bëhet e ditur se hetimet për këtë rast kanë filluar nga data 16 shtator.

Sipas policisë, i dyshuari ka qenë duke prodhuar para të falsifikuara në bankënota të ndryshme si pesë, dhjetë dhe njëzet euro.

“Njësia për Hetimin e Krimeve Ekonomike dhe Korrupsionit – Prishtinë ka ndërmarrë veprime të menjëhershme hetimore dhe operative, ku dhe është kuptuar se personi i dyshuar me inicialet L. A mashkull/ kosovar është në përgatitje të një shume prej 50.000 euro para të falsifikuara, për t’i lëshuar në treg. Në lidhje me rastin është kontaktuar prokurori kompetent dhe gjyqtari i procedurës ku nga dhe është dhënë urdhri verbal për kontrollim të lokacionit ku dyshohej se po prodhoheshin paratë e falsifikuara”, njofton policia.