Arrestohet Valdet Berisha, policia falënderon qytetarët për bashkëpunim

Arrestohet Valdet Berisha, policia falënderon qytetarët për bashkëpunim

Policia e Kosovës-Drejtoria Rajonale e Policisë në Pejë, ka bërë të ditur se falë bashkëpunimit me qytetarët kanë arritur të arrestojnë Valdet Berishën i cili ishte në kërkim.

Kështu është bërë e ditur përmes një njoftimi për media nga ana e policisë. I dyshuari është dërguar në ndalim policor për 48 orë.

“Policia e Kosovës-Drejtoria Rajonale e Policisë në Pejë, me datë 23.10.2020, ka lëshuar kërkesë për bashkëpunim me qytetarë për arrestimin e personit të kërkuar VALDET (Muharrem) BERISHA, i cili kërkohej për veprën penale: ‘Blerje,Posedim, shpërndarje dhe shitje e paautorizuar e Narkotikëve’ Policia e Kosovës falë bashkëpunimit me qytetarë pas publikimit të fotos së personit të kërkuar, ka arritur të siguroj informacion lidhur me vendndodhjen e të kërkuarit dhe me datë 25.10.2020,është bërë arrestimi i tij nga hetuesit e stacionit policor Pejë. I dyshuari i lartcekur është dërguar në ndalim policor pёr 48-orë”, thuhet në njoftim.

Policia ka theksuar se rritja e besimit në Policinë e Kosovës, rritja e bashkëpunimit të qytetarëve me Policinë e tyre do të qojë në përforcimin e mëtejshëm të Policisë dhe në të njëjtën kohë edhe në rritjen e efikasitetit dhe suksesit në punët policore.

“Për suksese në parandalimin e krimeve, qytetarët nuk duhet hezituar, duhet të kthehen në Polici pa uniforma dhe vetëm me bashkëpunimin e tyre si në të gjitha vendet e qytetëruara, do të arrijmë të jetojmë në një vend më të sigurt. Policinë e Kosovës në Rajonin e Pejës po e ndihmojnë qytetarët, falënderojmë të gjithë për besimin dhe rritjen e bashkëpunimit në realizimin e planeve për të mirën e vet qytetarëve dhe vendit”, thuhet në komunikatë.