09:04 / 27.04.2021
Sulmon fizikisht dy persona në Gjakovë, arrestohet një person
Një person është arrestuar nën dyshimin se i njëjti ka sulmuar fizikisht dy persona, transmeton Telegrafi.
Sipas raportit të Policisë së Kosovës, ngjarja ka ndodhur të hënën rreth orës 18:00 në rrugën “Sylejman Lleshi”, në Gjakovë.
Siç thuhet në raport, me urdhër të prokurorit i dyshuari është dërguar në mbajtje.
“Është arrestuar një i dyshuar mashkull kosovar, nën dyshimin se i njëjti ka sulmuar fizikisht dy viktimat meshkuj kosovarë. Me urdhër të prokurorit i dyshuari është dërguar në mbajtje”, thuhet në raport.























