10:23 / 03.06.2021
Bëri lëvizje të dyshimta, policia i gjen armë në makinë
Policia e Shkodrës ka arrestuar një 38-vjeçar për armëmbajtje pa leje.
Në pranga ka rënë shtetasi me inciale H. N, banues në lagjen ‘‘Tre Heronjtë“ Shkodër.
"Gjatë patrullimit në lagjen “Tre Heronjtë”, Shkodër, shërbimet e Policisë, pasi kanë konstatuar një automjet që kryente lëvizje të dyshimta, janë vënë në ndjekje dhe kanë bërë të mundur ndalimin e drejtuesit dhe bllokimin e automjetit. Gjatë kontrollit në automjet, shërbimet e Policisë kanë gjetur dhe sekuestruar në cilësinë e provës materiale një armë zjarri pistoletë me një krehër me fishekë" njofton policia, njofton oranews.
Materialet iu referuan Prokurorisë së Rrethit Gjyqësor Shkodër, për veprën penale “Armëmbajtja pa leje”.























