21:25 / 10.08.2021
Të shtëna me armë në Gjakovë, plagosen dy persona
Dy persona kanë marrë plagë pas disa të shtënave me armë zjarri në rrugën “Bardhyl Qaushi” në Gjakovë.
Lajmin për Gazetën Demos e ka konfirmuar zëdhënësi i policisë për rajonin e Gjakovës, Nysret Gjurkaj.
“Në orën 19:30 në rrugën “Bardhyl Qaushi”- Gjakovë kanë ndodhë të shtëna me armë zjarri ku dyshohet se dy persona kanë mbetur të plagosur. Patrullat e stacion policor kanë shkuar në vendngjarje si dhe është njoftuar autoambulanca”, ka thënë ai.
Pas të shtënave personat e dyshuar janë larguar nga vendi ngjarjes.























