18:20 / 14.08.2021
Arrestohen tre persona për shpërndarje të drogës
Tre persona janë arrestuar sot nga policia shqiptare në Dhërmi të Himarës.
K. K., 25-vjeç, A. Sh., 19-vjeç dhe I. U., 21-vjeç, të tre banues në Tiranë, u kapën gjatë një kontrolli në një subjekt në Dhërmi, ku këta shtetas punonin.
Shërbimet e Policisë me këtë rast gjetën dhe sekuestruan në cilësinë e provës materiale 100 doza me lëndë narkotike, kokainë dhe kanabis.
Materialet i kaluan Prokurorisë së Rrethit Gjyqësor Vlorë, për veprën penale prodhimi dhe shitja e narkotikëve.























